My photo
താമരശ്ശേരി, കോഴിക്കോട് ,കേരളംMob:9656922930, India

Saturday, 2 June 2012

മടക്കയാത്ര

പറയുവാനോങ്ങിയ വാക്കുമറന്നു നീ-
പടിവാതില്‍  ചാരിതഴുതിട്ടുനില്‍ക്കവേ,
വ്രണിതഹൃദയന്‍  ഞാന്‍  മടങ്ങുകയാണിന്നു
പ്രണയം  വെറുമൊരു  പാഴ്ക്കിനാവല്ലോ..!
പാഥേയമായി  പകുത്തെടുക്കുന്നു ഞാന്‍
നിന്‍നീലമിഴിയിലെ  ആര്ദ്രസ്വപ്നങ്ങളും,
അപരാഹ്നസൂര്യന്റെ  കതിരേറ്റു  നമ്മുടെ-
നിറമാര്‍ന്ന നിനവുകള്‍തുടുത്ത  സായന്തനം
ഓര്‍മ്മകള്‍ പൊന്‍വിരല്‍ തുമ്പില്‍വിടര്‍ത്തിയ-
പൂര്‍വകാലത്തിന്റെ  സൌഗന്ധികങ്ങളും
പിന്‍വിളികളില്ലാത്ത  യാത്രയിലെന്നിലെ-
മണ്ചെരാതും  കൂടി ആരോകെടുത്തിയോ...?

No comments:

Post a Comment